電力工程進行中

間屋啲電線見佢曲曬, 睇真D, 啲膠爆開左, 見到入面D 紅黑線. 搵人黎睇睇, 原來個電力系統超out, 除左overload之外唔識跳, 水線得個樣, 無接地既.  睇清楚D, 中電個錶箱原來有兩組線出, 師傅話係犯規, 一個錶箱只可以有一組線出. 仲要全層二樓只有一條唔知18定20amp 既線供應, 熱水爐開左己經差唔多爆煲. 開埋冷氣真係會過熱. 咁多年都未著火, 真係唔錯. 要全部線拆曬佢換過, fuse 箱都換. 唉, 又要洗錢.

廣告

校服誘惑

女裝校服, 男人黎.

著拖鞋, 多腳毛. 似乎執汔水罐. 唔敢行緊影佢.

話說屋企轉用newworld電話

個sales又話係租pccw線入屋，又sell電話又sell boardband。
我想轉電話，但又唔想轉boardband，廢事轉左啲細ISP變差左就煩。而且有個now tv都有個新聞台好睇，於是決定轉個電話去樓下個地址，樓下本身無任何電話用緊，咁佢就要拉條新電話線去樓下，就無辦法攪到我樓上條ADSL啦！點知，到安裝果日至發現，佢地唔使拉線，而係比個VOIP router我插入我個boardband度，VOIP router出黎再插普通電話。又插多個火牛！！！

佢收我七十幾蚊一個月，簽左野佢走時至同我講話送多個號碼比我，係兩條獨立線，可以同時講。有優惠無理由最後至講比我知架？同人講起，人地話最平三十幾一個月！！即係話個sales強行比左兩條線我，收左兩份錢。
好彩兩條線我都用得著。我住丁屋樓上，妹住樓下。以前都係得一個電話號碼，佢用dect phone樓上樓下收到就算，但我妹成日煲電話粥，攪到我有電話用不得。
咁而家有多線，咪買多個DECT phone比佢用囉。如果要拉線落樓下就好大工程，如果個dect phone主機插我到，又要插多個火牛！

平D電話費既代價，就係插多個火牛同router。

隻VOIP router可以當普通有線router用。對大部份用戶黎講，我估應該好夠使。但我已有N router，如果佢有802.11N既型號比我，可以諗諗只係用佢隻router取代我現有呢隻。可以插少個火牛。

而家雪櫃頂有
ADSL modem
SMC 802.11N router
D-link VOIP router
DECT phone 主機#1
DECT phone 主機#2

全部都要火牛！！！

買左dect phone比我妹至發現，有set 舊既siemens喺屋企無用一排。原來可以直接比個舊既佢用！Orz